loader image

Himara

Qyteti i bukur, lehtësisht i arritshëm.

Shijo momentet më të bukura në Hotelin Miamar

Zbulo Himarën

Nëse deti i kaltërt dhe plazhet e qeta janë destinacionet e ëndrrave të tua, atëherë duhet të vizitosh Himarën. E vendosur në jugperëndim të vendit, Himara shtrihet nga jugu i Parkut Kombëtar të Llogarasë deri në Malet e Qeparoit në juglindje.

Si kryeqendër e kohëve të lashta, në qytetin e vjetër të Himarës do të gjeni shumë monumente të cilat duhen vizituar. Me më shumë se 100 kisha, manastire, kështella dhe fortesa. Do të përjetoni ndjesi për të gjitha shqisat tuaja në vende si kishëza mesjetare e Shën Mërisë së Kasopitrës, kisha e mrekullueshme e “Gjithë Shenjtorëve” apo kështjella ushtarake e Porto Palermos me një arkitetkurë të veçantë.

Përveç qytetit të vjetër të Himarës, fare pranë saj do të mund të eksploroni dhe fshatra të tjerë piktoresk. Në zemër të çdo fshati ka gjithmonë një kishë magjepsëse. Aty do gjeni altarë me piktura të mrekullueshme, piktura të stilit barok dhe tavane të pikturuara nga artist vendas.

Ju do të ecni nëpër rrugicat e ngushta me kalldrëm të këtyre fshatrave mesdhetare dhe do të eksploroni çdo pëllëmbë të këtij rripi të shenjtë toke. Kështu do të përjetoni eksperienca të reja kulturore që janë po aq të largëta sa të paprekura dhe unike. Vizito Himarën dhe ndjeje mikëpritjen shqipatre e cila të ofron shumë më tepër se sa thjesht diell dhe plazh me rërë.

Eksploroni kështjellat

Kështjella e Himarës

Zona ku ndodhet Kalaja njihet ndryshe me merin Barbaka dhe është e ndërtuar në një kodër shkëmbore. Në veri shtrihen Malet e Vetëtimës, ndërsa në perëndim kodra e Skuratës ndahet nga kështjella nëpërmjet kanionit të Vishës. Kështjella mund të shihet edhe nga dhomat e hotelit.

Kalaja e Porto Palermos

Kalaja është ndërtuar nga Ali Pashë Tepelena në vitin 1804. Ajo është ndërtuar në një pozicion strategjik fare pranë rrugës kryesore. Kalaja ndodhet në jug të Hotel Miamar dhe mund të shkohet me makinë, varkë, ose me këmbë.
Ndiqni rrugën nacionale që të çon nga qyteti i Himarës drejt fshatit Qeparo dhe gjiri i mrekullueshëm i Porto Palermos do t’ju shfaqet para syve.

Jet Ski

Adrenalina juaj do të fluturojë në det të hapur. E përshtatshme për fillestarë dhe për profesionist me përvojë, jet ski është aktiviteti i duhur për ty, nëse je tipi që kërkon aventurë. Hip në një jet ski dhe ndeje erën nëpër flokë teksa lundron. I shtrirë përgjatë 13 milje, Deti Jon është vendodhja më e mirë për të lundruar me jet ski. Pikat ku mund t’i merrni me qera i gjeni përgjatë plazheve kryesore të Himarës. Mund të zgjidhni midis tureve me jet ski ose jet ski me qera. Në të dyja rastet e keni të garantuar ndjesinë se po vraponi mbi ujë.

Udhëtime me Varka

Mbërritja në Himarë nga deti të dhuron një panoramë të mrekullueshme. . Udhëtimet me varka të japin mundësinë të vizitosh një sërë plazhesh të virgjëra në të cilat shkohet vetëm me varkë. Aty mund të zhytesh, të notosh dhe të vizitosh vendet nënujore të kësaj ane të Detit Jon. Nëse do të kesh një përvojë të paharrueshme, duhet patjetër të marrësh me qera një varkë në qendër të Himarës, në mes të shëtitores. Çmimet variojnë nga 10 Euro/person për 2 orë, në 100 Euro nëse mërrni një varkë private. Udhëtimet më të preferuara janë ato për në Gjirin e Panoramës, Plazhin e Gjipës dhe Gjirin e Gramës. Edhe pse është më mirë që ta organizohesh që një ditë më parë, kompanitë që ofrojnë udhëtime me varkë nuk mungojnë. Ndaj, të duhet vetëm të zgjedhësh atë që të përshtatet më mirë dhe të nisesh.

Hidhini një sy plazheve

Plazhi i Jalit

Plazhi është pika më e fortë e këtij fshati të vogël bregdetar. Uji në këtë plazh është ndër më të pastrit dhe të mrekulllueshmit në të gjithë Rivierën. Plazhi është zona kryesore ku do të gjesh bare, restorante dhe pub-e. Uji i kaltërt, gjiri gjysmë-hënor, ullishtet në zonat përreth dhe perëndimi i mrekullueshëm janë tiparet kryesore të Plazhit të Jalit.

Plazhi i Dhërmiut

Plazhi i Dhërmiut po shndërrohet në një nga destinacionet e preferuara të Rivierës shqiptare dhe të gjithe Europës! Panorama mahnitëse dhe festat mikëpritëse miksohen në mënyrë të përsorur me një atmosferë pushimesh familjare.

Plazhi i Gjipesë

Gjipe, plazhi i cili aksesohet me vështirësi është i krijuar në një mënyrë shumë të veçantë. Bregu i tij formohet nga një përrua dhe plazhi ndahet në dy pjesë nga një kanion i mrekullueshëm. I krijuar nga gurë shkëmbor masiv deri në 70 m të lartë. Ky plazh ka një panoramë mbresëlënëse dhe mungesa e prekjes së njeriu e bën këtë vend shumë mikëpritës


Loading...